وكعادة الشعب المصري الطيب يستنى أي مولد علشان يركب المراجيح و الحلزونة و يتشقلب في الهوا و المولد المرة دي هو الحصول علي كأس أفريقيا أمتع اللحظات تقضيها في شوارع مصر هي أوقات المتشات سواء في النهائي أو أي بطولة فتعود مصر إلي زمن عماد حمدي وإسماعيل ياسين .. الشوارع فاضية و العصافير بتزقزق في الخلفية و حاجة آخر انسجام بعد الماتش سواء كسبنا أو خسرنا تجد البلد و حالها انقلب ... اتحدث هنا عن المناطق القريبة من سكني سواء مصر الجديدة شارع النزهة و الكربة و العروبة او مدينة نصر عباس العقاد و مكرم عبيدعلي حظي الاسود من سنتين اخذت عنوة للفرجة علي الماتش في احدي القهاوي وكان الطعم لاستدراجي هي الشيشة و المشروبات الروحية كالسحلب و القرفة و العنابوكان برضة الكأس بتاع أفريقياولا اعلم كيف انتهي بي الموقف واقف في شارع النزهة لمدة 3 ساعات مش عارف اروحو أمم بقي واقفة في الشارع نسوان ورجالةاعداد مهولة اقطع دراعي ان اللي كانو في 73 اقل من العدد ده وناس ماسكة علب بيرسول وتولع فيها ناروصواريخ بتطوح وشباشب بتطير وتم ايقاف مترو النزهة و اخذ السائق رهينة انا فاكر اليوم دة كان معايا 9 انفار من اصحابي رجعنا 3 بس واحد منهم شوفتة صدفة داخل بيتهم لابس فانلة داخلية بحمالة واحدة وامس يتكرر نفس السيناريو يخرج الشعب المصري كمجاذيب السيدةمنكوش مكفهر مترب وحالتة نيلة معهوش تمن تذكرة مترو الانفاق يرقص في الشوارع ويقبلون بعضهم البعض و الفرحة تبظ من اعينهم كما لو ان هايتوزع علي كل مواطن مليون جنيه و الفلسطينيين في طريقهم للانقراض و محدش هيلاقيهم غير في السوق السودا جتنا ستين نيلة فينا و في عبطنا شعب مش لاقي حاجة يعملها ولعيبة تسجد للة شكرا علي احراز الهدف وقريبا سنسمع عن رحلات حج و عمرة لاجل الحصول علي كاس السوبر احد الحجاج متعلق باستار الكعبة داعيا يا رب الدوري ياخدة الزمالك السنة دي " دي حقيقة مش نكتة" وتكون ادعية الاستخارة الخاصة بالمدير الفني يا رب نلعب بطريقة 4-2-4ولا 2-4-4-المهم هانعمل ايه لا حياة لمن تنادي يا اخوانا الرياضة لعب مش فرجة لكن العلم في الكبر كالضرب في البقراتمني تكون الحلة جت علي مقاسكو
0 التعليقات:
إرسال تعليق